العنف اللفظي والسب
بقلم : وردة راضي
الجريمة فى مجتمعنا(٣)
العنف اللفظي والسب
العنف مش دايمًا بيكون بالضرب أو الإهانة الجسدية…
أحيانًا الكلمة بتكون أوجع من الضربة، والسب بيترك جرح ما بيبانش لكنه بيفضل ينزف جوا الشخص.
في الفصل ده، بنتكلم عن العنف اللفظي اللي بيبدأ من داخل البيوت والمدارس والشوارع،
لما الطفل يسمع “إنت غبي”،
أو البنت تُهان بكلام جارح،
أو الشاب يُذل بكلمة تقلل من رجولته أو قيمته.
الفصل بيكشف خطورة التكرار، لأن التراكم اللفظي بيكسر الثقة، ويهز الكرامة، وبيخلق شخص عنيف أو منغلق أو حاقد.
الكلمة الجارحة ممكن تبني في العقل فكرة انتقام…
والسب المتكرر ممكن يصنع شخصية مضطربة، أو حتى مجرم مستقبلي.
الرسالة الأهم:
الكلام الجارح مش بيعدّي… ده بيترسّب.
والمجتمع اللي بيستهين بالسب، بيهيئ بيئة خصبة للجريمة.
