الجريمة فى مجتمعاتنا
بقلم : وردة راضي
الفصل الأول: مقدمة عن الجريمة
العنوان: ما هي الجريمة؟ ولماذا تنتشر؟
الجريمة ليست مجرد خرق للقانون، لكنها انعكاس لانهيار القيم، وانفجار مكبوت في نفوس الناس، وصرخة ساكتة من مجتمع موجوع.
هي نتيجة تراكمات… من ظلم، من فقر، من إهمال، من تربية خاطئة، من كبت، من غياب الاحتواء والعدالة.
الجريمة مش بس سرقة أو قتل، الجريمة تبدأ بكلمة جارحة، بإهمال أب أو أم، بصفعة على وش طفل صغير، أو بتجاهل صرخة مراهق بيعاني من الوحدة أو الضغط.
مصر، زيها زي أي مجتمع، فيها جرائم، لكن اللي يوجع أكتر إن بعض الجرائم بقت عادة، بقت مقبولة، بقت بتعدي تحت مسمى “ده الطبيعي”، وده الأخطر.
